Зыль Грыгорый Сяргеевіч
Успамін унучкі Зыль Аляксандры, вучаніцы 9 класа ДУА “Вучэбна-педагагічны комплекс Новазелянкоўскі дзіцячы сад-сярэдняя школа”.
Мой прадзед Зыль Грыгорый Сяргеевіч, 1917 года нараджэння, удзельнік
фінскай вайны, ветэран Вялікай Айчыннай вайны, прайшоў усю вайну. Пачынаў ён
шафёрам: падвозіў на перадавую боепрыпасы, прадукты харчавання. Вельмі часта
пападаў пад бамбёжкі, быў паранены. Пасля шпіталя службу прадоўжыў радавым у
сапёрнай часці, якая наводзіла пераправы праз рэкі на Заходнім
фронце.
У адным з баёў ён з рызыкай для жыцця знішчыў гранатамі агнявую кропку фашыстаў, якая перашкаджала наводзіць пераправу праз раку Нёман. За выкананне задання і праяўленую ініцыятыву па знішчэнню ангявой кропкі праціўніка Грыгорый Сяргеевіч быў узнагароджаны медалём “За отвагу”. 10 ліпеня 1944 года мой прадзед, сяржант 226 інжынерна-сапёрнага батальёна быў прадстаўлены да ўзнагароды – ордэна “Краснай Звезды”. За паспяховае выкананне заданняў узнагароджаны медалём “За победу над Германией”.
Мой прадзядуля ўдзельнічаў у штурме горада і крэпасці Піллау. За
авалодванне апошнім апорным пунктам абароны немцаў, горадам і крэпасцю Піллау –
вялікім портам і ваенна-марской базай немцаў на Балтыйскім моры, была аб’яўлена
падзяка ад Галоўнакамандуючага Маршала Савецкага Саюза
І.В.Сталіна.
Пасля вайны мой прадзед вярнуўся ў вёску Новыя Зелянкі, працаваў у
саўгасе “Новыя Зелянкі” да пенсіі.
Я ганаруся сваім прадзедам. Вось так гісторыя нашай сям’і звязана з
гісторыяй Вялікай Айчыннай вайны”.