Казлоўскі Мікалай Васільевіч
Апавяданне унучкі, Казлоўскай Альбіны, вучаніцы 8 класа, старшыні савета піянерскай дружыны імя Аляксандры Ліневіч.
Грымучыя саракавыя гады… Аб гэтай пары ўжо напісаны горы кніг, шмат
знята фільмаў. Здаецца, усё сказана і пераказана: і аб падзеях, і аб людзях,
якія на сваіх плячах вынеслі тяжкасці перажытага. Кожная сям’я мае сувязь з
падзеямі Вялікай Айчынай вайны. Маю сям’ю вайна таксама не абышла бокам.
У гады Вялікай Айчынай вайны сотні землякоў былі прызваны ў рады
Чырвонай Арміі альбо пайшлі добраахвотнікамі на фронт, каб абараняць сваю
Радзіму. Тыя, хто застаўся ў вёсцы, знашлі сваё месца ў партызанскіхатрадах.
На нашай зямлі вар’яцелі фашысты. Рабавалі, катавалі, палілі, але не
змаглі паставіць савецкі народ на калені. Ляснымі сцежкамі, прабіраючыся праз
балоты, ішлі ў атрад людзі. Іх вяла сюды лютая нянавісць да чужынцаў.
Прыйшоў тады ў партызанскі атрад дабраахвотнікам і мой дзядуля Мікалай
Васільевіч Казлоўскі. А яму ішоў толькі шаснаццаты год. Але ў гэта лета ён стаў
мужчынам, салдатам.
Нарадзіўся і жыў Мікалай Васільевіч у вёсцы Новыя Зелянкі Чэрвеньскага
раёна. Тут ён вучыўся, тут уступіў у камсамол. Родная зямля запоўнілася квеценню
садоў, стройнымі таполямі, разлівам паспеўшых хлябоў. І раптам - вайна! Мой
дзядуля стаў сувязным партызанскага атрада “Іскра”. Хадзіў у разведку аж у самы
гарнізон. Пад самым носам паліцыі абяззброілі канвой. Не адзін фашыст
знайшоў сабе магілу ад куль маладога партызана.
Асабліва гарачым быў бой у жніўні. У партызанскім атрадзе кавалі і
вастрылі зброю. Партызанская разведка данесла, што да немцаў прыбываюць новыя
сілы. Час не цярпеў. Была арганізавана група ўзрыўнікоў, увайшоў у яе і Мікалай
Васільевіч. Цяжка ўспомніць лік дыверсій, праведзеных на чыгунцы. Ляцелі пад
адхон эшалоны з танкамі, боепрыпасамі, гаручым і з фашысцкай сілай. Аднойчы мой
дзядуля са сваімі баявымі таварышамі нагрузіліся зарадамі толу, рушылі да
чыгункі. На гэты раз адышлі ад лагера вельмі далёка. А раніцай заўважылі
бліскучую стужку чыгункі. Цэлы дзень назіралі за дарогай, прымасціўшыся за
вываратнем. Выбіралі зручны момант. Калі ў небе з’явіліся першыя зоркі, на насып
папаўзлі Казлоўскі і Сомаў.
Цясаком хутка зрабілі паглыбленне, заклалі дзесяцікілаграмовую міну,
устанавілі загваздку і пацягнулі ў лес шнур. Доўга чакалі. Нарэшце пачулі грукат
эшалона. І калі на фоне просекі паказаўся цень паравоза, Мікалай Васільевіч
пацягнуў шнур. Страшэнны выбух разарваў цемру. Вагоны ўздыбіліся, напаўзаючы
адзін на адзін.
Вялікім шчасцем, цудоўнай музыкай здаліся савецкім людзям трэск, грукат
і гром, якія даляцелі з месца крушэння варожага цягніка.
Трэцяга ліпеня тысяча дзевяцьсот сорак чацвёртага года прыйшла радасць
- вызваленне Беларусі. Па Ленінскаму праспекту на парадзе ў радах народных
мсціўцаў прайшоў і мой дзядуля – М.В.Казлоўскі.
Потым ён ваяваў у радах Чырвонай Арміі. Трэці Беларускі фронт. Раненне.
Аперацыя. Ампуціравалі нагу. Дзевятнаццаць год, а ўжо інвалід. Вось дзе давялося
сербануць гора: адчай, безнадзейнасць. Настойлівасць, перш чым апусціць рукі;
выпрабуй усё, нават самыя мізэрныя магчымасці. Гэты прынцып потым здорава
спатрэбіўся на жыццёвым шляху.
Пасля Мікалай Васільевіч працаваў у саўгасе “Новыя Зелянкі”. Ён
узначальваў брыгаду паляводаў. Вось так ён выконваў свой абавязак перад
Радзімай. Я ганаруся сваім дзядулем!